වැටී- හිරවී සිටින සඳ ඔබ
සිහිනෙයකි ඉදිරියට යන සිත
එහෙත් - ඔබ දෝතින් නගන්නේ
කලණ මිතුරා පමණි -මේ ලොව ...!
කාත් කුරුත් නොමැති ලෝකෙක
හුදකලාවී තනිව ගිය සඳ
ඔබට නිවැරදි මග කියන්නේ
කලණ මිතුරා පමණි - මේ ලොව ....!
නව ලොවේ නව සෙවුම් සොයමින්
ඇදී- ඇදී පිය නඟා යන සඳ
ඔබට නිවැරදි මග කියන්නේ
කලණ මිතුරා පමණි - මේ ලොව ....!
සෝ -තැවුල් කඳුලින් වෙලී ගිය
දිනෙක ඔබ සුවපත් කරන්නට
සතුට රැල්ලක් ලෙසින් එන්නේ
කලණ මිතුරා පමණි - මේ ලොව ....!
මිහිරි හසරෙල්ලෙන් පිරී ගිය
ඔබේ ලොව ඔබ රජ කරන සඳ
මියුරු ගීයක් ලෙසින් එන්නේ
කලණ මිතුරා පමණි - මේ ලොව ....!
No comments:
Post a Comment