Tuesday, September 24, 2013

සිව් වසරක මතක සටහන්....


                                   සිව් වසරකට පෙර, එනම් 2009 වසරේ නිකිණි මස ඔබ අප මෙන්ම තවත් මානවකයන් පිරිසක් මොරටු සරසවි මව් තුරුලට වැදුනේ නැවුම් බලාපොරොත්තු ගොන්නක් තම සිත්හි පුරවාගෙනය.ඒ මානවකයන් අතර එක පෙලට ඇදුනු එක කුස උපන් සහෝදරයින් දෙදෙනෙකු මෙම සරසවි පුරවරයේ නවමු පරිච්ඡේදයක කතුවරයින් වන බව එදා එහි සිටි කිසිවෙකුත් විශ්වාස නොකළහ.
                                      නමුදු අධිෂ්ඨානයත් කැපවීමත්  එක්තැන් වුනු තැන සාර්ථකත්වය රදා පවතින්නේමය.‘හිත ඇත්නම් පත කුඩාද’ යන්න යතාර්ථයක් කරමින් අද වන විට එම අය්ය-මලෝ දුටු ලෝකය සැබෑවක් වී හමාරය.දෙදෙනෙකුගෙන් ආරම්භ වුනු නවකවධ විරෝධී ශිෂ්‍ය එකමුතුව අද වන විට පරපුරු 3ක් ඉදිරියට ගොස් සිව්වන පරපුර පිළිගැනීමට ද පෙරමග බලමින් සිටී.
                        එතෙක් මෙතෙක් දක්වා මොරටුව විශ්විද්‍යාලීය නවකවධ විරෝධී ශිෂ්‍ය එකමුතුව පැමිණි ගමන් මග සුමුදු මල් ඇතිරූ පලස් මතින් වැටුණු සුව පහසු ගමනක් නොවේ.වරෙක මිතුරන්ගේද වරෙක පසමිතුරන්ගේද ලෙයින් නැහැවුණු, වරෙක ත්‍රාසයද - භීතියද - ප්‍රීතියද ගෙනදුන්නා වුද, අභියෝග පිට අභියෝග ගෙනදුන්නා වුද, ලොකු කුඩා සැමගේ ගල් මුල් මඩ ප්‍රහාර ලද්දා වුද කටුක මාවතකි එය.

අපි අ.ල. ඇයි අවුල්ද ?

(අපි සාපේක්ෂව වෙනස් - part 2)



                   සත්තකින්ම අපි ශ්‍රී ලංකාවේ සියලුම විශ්වවිද්‍යාල තුල තිබෙන පාඨමාලාවන්ට වඩා වෙනස් වන්නෙමු.ඒ විශ්වවිද්‍යාලයක් තුල පවත්වාගෙන යනු ලබන එකම ඩිප්ලෝමා පාඨමාලාව අප වන බැවිනි.එමෙන්ම එය තුන් අවුරුදු පුර්ණකාලින පාඨමාලාවක් වීමත් ඒ සදහා ඇතුලත් වීමට තුන් අවුරුදු උපාධි පාඨමාලාවකට ඇතුලත් වීමට අවශ්‍ය තරම් වන උසස් පෙළ කඩයිම් ලකුණු ප්‍රමාණයක් අවශ්‍ය වීමත් අනෙකුත් විශේෂිත කාරනා අතර පෙරමුණේ පසුවේ.           

           අපි සාපේක්ෂව වෙනස් වන්නේ එවන් වූ විශේෂිත පාඨමාලාවක් හදාරන නිසා හෝ අපි විසින්ම කියාගන්නා නිසා හෝ නොවේ.අපි වෙනස් වන්නේ අනෙකුත් කිසිදු විශ්වවිද්‍යාලයක නොවන ආකාරයේ උප සංස්කෘතියකට,චර්යා හා ආචාරධර්ම රටාවකට,වෙනස් ආකාරයේ ජේෂ්ඨ -කනිෂ්ඨ සහසබදතාවයකට උරුමකම් කියන නිසාවෙනි.          

                 

Monday, March 4, 2013

නුදුටු සහෝදරත්වය...


විශ්ව විද්‍යාලයට තේරුනා කියා දැනගත්තම සියළු දෙනාටම හිතේ ඇති වන්නේ මහත් සතුටක්..
ඒත් විශ්ව විද්‍යාලයට යන මුල්ම දවසෙ සමහරුන්ට ඒ සතුට පිටි පස්සෙ යම් බියක් හැන්ඟී ඇති බව ඒ අත්දැකීම ලැබූවන් දන්නව...
නුහුරු පරිසරයකට කිසිවකුවත් නොදැන දහසක් බලාපොරොත්තු හිතේ දරාගෙන පැමිණියත් ඒ සමාජය සමහර විටෙක හිතන තරම් සොඳුරු නොවේ...
විඳින්න වෙන දුක් ගැහැට බොහෝය...
එවන් වටපිටාවක වෙනත් අයගේ ආතල් එකක් වීමට සිදුවන තැන...
නන්නාඳුනන දහසක් දෙනා මැද අහම්බෙන් හමුවන හඳුනනා මිත්‍රයත් නාඳුනනන්නෙක් ලෙස ක්‍රියා කරන තැන තමන් පත්වන අසරණ බව දන්නෙ තමන් පමණි...
එවන් වටපිටාවක පිහිට වීමට තරම් මහත්මා හිතක් තිබූ ඔබ වෙනුවෙන් මේ ලියමි...

සමහරුන් ජාතිය අමතන විට මල්ලියේ මෙහෙමයි මල්ලියේ කියා නිවැරදි මග පෙන්නු...
පෙර මුණගැසී නොතිබුනත් හදවතට දැනෙන තරම් සහෝදරත්වයෙන් නියම ජේශ්ඨත්වයේ අර්ථය පෙන්නු...
බහුතරයකගේ ගැරහුමට ලක් වුනත් දහසක් බාධක ඉදිරියට පැමිණුනත් තමන් කරන නිවැරදි ක්‍රියාව නොබියව ඉදිරියට රැගෙන ගිය...
තම වැඩ ද අත පසු කර ගනිමින් අප වෙනුවෙන් කැප වුනු...
අසරණ වුන විට හදවතින් පිහිට වුනු...
මඩේ එරුණුවිට හදවතින්ම අත දුන්..
fun වෙලාවට funම දුන්..
බලෙන් නොව ක්‍රියාවෙන් ගෞරවාන්විත වූ...
සහෝදරයිනි ඔබට අපගේ හදවතින්ම පිදෙන උත්තමාචාරයයි...
සමහරුන්ට ඔබ කළ දේ හි අගය නොවැටහුනත්..
ඔබව අගය කරන බොහෝ දෙනකු සිටින බවට සාක්ෂියයි මේ...
හෙටින් ඇරඹෙන ඔබගේ තෙවන වසරටත්, ක්ෂේත්‍රීය පුහුණු කාලය උපරිමයෙන් සාර්ථක කර ගැනීමටත්, සියලු බලාපොරොත්තු ඉටු කරගැනීමටත් හදවතින්ම සුබ පතනවා...!!! 

ඔබගේ අඩුව නොමදව දැනෙනු ඇත..
(Y)

Tuesday, January 22, 2013

තෙල !



                            
                                මිනිසා යනු තන්හා ආශාව ආදියේ වේලි ඇලී ඒ මත තම ජීවිතය තබා සිටින්නෙකි. මමත්වය ආත්මාර්ථය ඉර්ශියාව ආදියේ යම් ප්‍රමාණයකින් හෝ ඔවුන් තුල ඇත.එබැවින් මෙවන් සිතුවිලි අවේගශීලි පුද්ගලයන් බිහි කිරීමට සමත්වෙයි. මේ බව දන්නා යම් යම් පුද්ගලයන් තමන්ගේ අරමුණු මුදුන්පත් කර ගැනීම උදෙසා මිනිසුන්ගේ හදවතට කතා කොට තමාගේ අරමුණු වෙනුවෙන් ඔවුන් පෙළ ගැස්සීම සිදුවේ.

                                           විශ්ව විද්‍යාලීය උප සංස්කෘතිය තුල නම් මේකට කියන්නේ තෙල් ගහනවා කියන එක. මේවගේ දේවල් වලින් ශිෂ්‍යයන් තමන් වෙත ආකර්ෂණය කරගන්නවා. ඊටපස්සේ තමන්ගේ හිත් වල තියන අදහස් ඔවුන්ගේ හිත් වලට කාවද්දල ඒ අදහස් ඉදිරියට ගෙනියන පරම්පරාවක් නිර්මාණය කරනවා. ඉතින් ඒ විදියට නිර්මාණය වන පිරිස් වලින් අඩුවක් නෑ කැම්පස් එකක් ඇතුලේ. එක එක මතවාද තමන්ගේම කියාගත්තා පුද්ගලික මතවාද තමන්ගේ දේශපාලන මතවාද මේ හැමදේම විශ්ව විද්‍යාලයකට අමුත්තක් නෙවෙයි. ඒ වගේම අපි අමතක නොකළයුතු තව ප්‍රධාන කරුණක් තියනවා. ඒක තමයි මේ විශ්ව විද්‍යාල තුල ඉන්නේ තරුණ පිරිස් කියන ඒක.ඒ තරුණ ජවය එක්ක තනිව තීරණ අරන් තමන්ගේ අදහස් නිවැරදි කියල තමන් වටා පිරිසක් ගොඩ නගා ගන්න කැමති පුද්ගලයන් ඉන්නවා. ඒක තමයි යථාර්තය. අන්න ඒ නැගී එන නායකත්වය නිවැරදි මාවතකට යොමුවෙනවානම් මේ හුගක් ගැටළු වලට විසදුම් ලැබේවි. නමුත් වර්තමානය තුල සිදු නොවන්නෙත් ඒ දේමයි.

Monday, January 21, 2013

වියරු වෙසින් දගලන සහෝදරයන්ට නොව" බුද්ධිමත් ජනතාවගෙ දැන ගැනීම පිණිසයි....

එදා සිoහයෝ ලෙස හැසිරුනු ඉන්ජිනෙරු පීඨ ශිෂ්‍යයෝ අද මුව පැටියන් තරම් අහිoසකය. NDT සිසුන් කිහිප දෙනෙක්ට පහරදී "අපි ගැහුවා... NDT දිව්වා..." යමින් කෑ මොර දුන් ඔවුන් අද 6 , 4 නොදන්නා තොත්ත බබාලාය. දෙකට කැඩුනු ජනේලය හතරට කඩා ඡායාරූප ගත කිරීමටද, ගැහැණු නේවාසිකාගාර වල සිට ගල් ගසා, අපි ගැහැණුන්ට ගැසුවේය යැයි බොරු ප්‍රචාරය කිරීමට තරම් නම් අපි පහත් නොවෙමු. ඔබලා මෙම ගැටුමට එක්කල රසවත් හරබර දෑ නම් අනර්ගය.

Sunday, January 20, 2013

ගැටුමක සුල මුල !!


දිනය - 2013.01.01

NDT ශිෂ්‍යයෙකු හා ඉ.පීඨයේ 4 වන වසර ශිෂ්‍යයෙකු අතර සුළු බහින්බස් වීමක් ඇතිවිය.........

NDT ශිෂ්‍යයාගේ මෝටර් සයිකලය ඉ.පීඨ ශිෂ්‍යයාගේ ඇඟෙහි වැදීමෙන් පසු ඉ.පී. ශිෂ්‍යයා NDT ශිෂ්‍යයාට සමාව ගන්න ලෙස බල කිරීමත් NDT ශිෂ්‍යයා එය ප්‍රතික්ෂේප කිරීමත් සමගම බහින්බස් වීම දුර දිග ගියේය (වරද කාගේදැයි අපි නොදනිමු) NDT පළමු වසර සිසුන්ට නිවාඩු ලබා දී තිබීමත් 2 වසර සිසුන්ට ආරම්භ වීමට තිබුනේ පසු දින වීම නිසාත් ඒ වනවිට ශිෂ්‍ය නේවාසිකාගාරයේ රැඳී සිටියේ ශිෂ්‍යයන් 60 කට ආසන්න පිරිසකි.මෙම බහින්බස්වීම දුරදිග යාමෙන් සරසවියට රැස්වූ ඉ.පී. ශිෂ්‍යයන් 1000 කට අධික පිරිසක් NDT ශිෂ්‍යයන් 60 දෙනාට එලව එලවා පහර දීමටත් ඔවුන් සරසවි භුමියෙන් පිටතට පන්නා දැමීමටත් කටයුතු කරන ලදී.

ඉන් නොනැවතුණු ඔවුන් බහින්බස් වීමට සම්බන්ධ වූ සිසුවාගේ මෝටර් සයිකලය කුඩු කර දැමීමෙන් සරසවිය පුරා NDTයට අපහාස වන අයුරින් ක්‍රියා කිරීමෙන් ඔවුන්ගේ බුද්ධිමත් භාවය ප්‍රදර්ශනය කරන ලදී.තම නිර්මාණ කුසලතා එලි දැක්වීම සඳහා NDTය විසින් සකස් කර තිබු "NDT ප්‍රභාතය" ද, තවත් සිතුවමක්ද කඩ බිඳ දමා පුළුස්ස දමන ලදී.මීට අමතරව "Non Developed Technicians" නමින් facebook පිටුවක්ද නිර්මාණය කරගෙන තිබුණි.මේ සිද්ධියට සම්බන්ධ නොවූ සිසුන් පවා කුපිත වන අයුරින් මෙසේ කටයුතු කිරීම සාධාරණද.....

තීරණය බුද්ධිමත් ඔබට භාරයි.............



Saturday, January 19, 2013

රොෂාන් සෙනෙවිරත්න සොයුරාණෙනි ඔබට ඉක්මන් සුව..




දශක දෙකකට ආසන්න කාලයක් තිස්සේ පවතින අවාසනාවන්ත ගැටුමක අවසන් ගොදුර බවට පත්ව රෝහල් ගතව සිටින රොෂාන් සෙනෙවිරත්න සොයුරාණෙනි නවකවධ විරෝධී ශිෂ්‍ය එකමුතුවේ අපි ඔබට ඉක්මන් සුවය ප්‍රර්ථනා කරන්නෙමු. 

කව්රුන් විසින් කවරෙකුට උවද පහර දීම මානුෂික නොවේ.එබැවින් මෙම පහරදීම් දිව්ත්වයෙන් එකක් හෝ මානුෂිය කිරීමට ද අපි උත්සාහ නොකරන්නෙමු. NDT  පාඨමාලාව දියගම පරිශ්‍රයට ගෙන යාම පිළිබද අපගේ විරුද්ධත්වයක් නැත.අවශ්‍ය පහසුකම් ස්‌ථාපිත කර තිබේ නම් අද උවද එහි යාමට අපගේ අකමැත්තක් නැත.නමුත් වසර 13 ක් තිස්සේ එය ලැබූ ප්‍රගතිය ගැන නම් සෑහීමකට පත් විය නොහැක.

අවසන් වශයෙන් යමක් ප්‍රකාශ කල යුතුව ඇත.අප කිසිවෙකු උපතින් NDTහෝ Bsc.Eng. නොවෙමු.එකම විභාගයකින් වෙනස් ලකුණු ලබා ගැනීම මෙයට හේතුව ද?? නැතිනම් සියලු ශිෂ්‍යයෝ එදා පටන්ම කගේ හෝ අතකොලු ලෙසින් භාවිත වෙමින් අනෙකුත් පාර්ශවයන්ගේ දේශපාලන,පරිපාලන,පෳද්ගලික අභිමතාර්ථ සපුරාලීම වෙනුවෙන් තම වටිනා ජිවිත ද, අධ්‍යාපනය ද, පරදුවට තබනව නොවේද ??

මදක් සිතන්න.

නුවන් සුරත් එදිරිසූරිය

Thursday, January 17, 2013

අපිද වැරදි ....???




ජනවාරි 1 වැනි දින ඔබට අසන්නට ලැබුනු කරුණ නම්, මොරටුව ඉන්ජිනේරු පීඨ සිසුන් හා NDT සිසුන්අතර අතිවූ ගැටුමක් නිසා මොරටුව සරසවිය වසා දැමීමට සිදුවු බවයි. එය සිසුන් දෙපිරිසක් අතර බහින් බස් වීමක් දුරදිග යාමෙන් සිදුවු දෙයක් බවද සමහරු සදහන් කලේය.

NDT සිසුන් කිහිප දෙනකුට පහරදීමකින් පමණක් සිත් සතන් සනසවා ගැනීමට පවා  පොහොසත් වූ ඔවුන්, NDT සිසුන් විසින් කලක සිටින් පවත්වාගෙන ආ අපගේ නිර්මාණ එලි දැක්වීමට තිබූ තෝතැන්න වන ප්‍රභාතය කඩා බිද දැමීය.තවද අප විසින් විශ්ව විද්‍යාලයේ අලංකරනයට නිර්මනය කර තිබූ නිර්මාන සියල්ලද විනාශ කර දැමීය.එයින් ද නොනැවතී NDT සිසුවෙකුගේ මෝටර් බයිසිකලයක් ද සම්පුර්ණයෙන් විනාශ කිරීමට ඔවුන් පසුබට විය.එවැනි දේ  NDT එකට එදත් අදත් ආදරය කරන අප හදවත් සසල කරවීමට සමත් වීය. එදා ගැටුමෙන් පසු ඔවුන් දියත් කල පෝස්ටර් ව්‍යාපාරය විශ්ව විද්‍යාලයේ අප සහෝදරයන් වන වාස්තු/IT ශිෂ්‍යයන්ගේද අප්‍රසාදයට පත්විය.පෝස්ටර් ඇදීමෙන් නොනැවතුණු ඔව්හු අද මෙන්ම එදා ද ඒවා මුණු පොතේ දමාගෙන ජය පැන් බිව්‍හ.අද  " NON VIOLENCE" කියනා පිරිස් එදා "ඕකුන් ගහලම මේකෙන් පන්නන්න ඕන" කියමින් සිනාසුනහ.

මොරටුව සරසවියේ යලි ගැටුමක් ...




ඊයේ (16) රාත්‍රී 09.30 පමණ සිට අළුයම 2.30 පමණ වන තුරු මොරටුව විශ්ව විද්‍යාලය තුල නැවතත් ප්‍රචණ්ඩ ක්‍රියා ඇතිවී තිබේ.මීට පෙර පසුගිය පළමුවැනිදා ද මෙවන්ම සිදුවීමක් සිදු වුයේ NDT ශිෂ්‍යයෙකුගේ මෝටර් බයිසිකලයක ඉංජිනේරු ශිෂ්‍යකු වැදීමෙන් සිදු වූ හදිසි අනතුරක් හේතුවෙනි.එහිදී නේවාසිකාගාර තුල සිටි NDT ශිෂ්‍යන් පිරිසකට ඉංජිනේරු සිසුන් විසින් පහර දුන් අතර ඊයේ සිදුවූ ගැටුම එහි ප්‍රතිඵලයක් ලෙස නිර්මාණය වී ඇත.
     සිසුන් අතර පෙර ඇතිවූ ගැටුම් හේතුවෙන් පසුගිය දින වල අධ්‍යයන කටයුතු සිදු කෙරුනේ ඉන්ජිනේරු පීඨ අවසන් වසර හා  NDT අවසන් වසර සිසුන් සදහා පමණිදෙපාර්ශවයේම අනෙකුත් සියලුම සිසුන් සඳහා සරසවි  බිම තාවකාලික  තහනම්  කලාපයක්  බවට පත් කර තිබිණි.   

Sunday, January 13, 2013

ගලිවර්ගෙ කැම්පස් චාරිකාව අංක 2- බෝඩිමේ වික්‍රමය..



නාට්‍ය පිට නාට්‍ය රඟ දැක්වෙන කාලයක් මේක... ප්‍රධාන නාට්‍යයට කලින් හොඳ හොඳ නාට්‍ය රඟ දැක් වුනාලු ඒ කාලෙ... ඔහොම නාට්‍යක් ගලිවර්ගෙ බෝඩිමෙත් රඟ දැක්වුනාලු... ගලිවරුයි බෝඩිමේ ඉන්න අඟුටුමිට්ටො සෙට් එකයි ආතල් එකේ ඉන්නකොට දවසක් කට්ටියටම එපා වෙලා වගේ හිටියලු... ඇත්තටද බොරුවටද දන්නෙ නෑ... කොහොමහරි එහෙමලු... ගලිවර්ටත් එ තිබ්බ ඒකාකාර බවෙන් මිදෙන්න ඕන වෙලාලු තිබ්බෙ හැබයි..
කොහොමෙන් හරි අර බෝඩිම හොයාගත්ත අඟුටුමිටි හාදයා යෝජනාවක් කලාලු බයිස්කෝප් එකක් බලන්න යන්න...ගලිවරුත් එක පයින්ම එක ස්ථිර කලලු.. කොහොම හරි කැම්පස් එකේ ලෙක්චර්ස් ඉවරවෙලා හවස බයිස්කෝප් එක බලන්න යන්න ගලිවරුයි බොඩිමේ අනිත් අඟුටුමිටි සැට් එකයි තීරණය වුනාලු.කොහොමෙන් හරි ලෙක්චරුත් ඉවරවෙලා සැට් එක බෝඩිමට ආවලු බයිස්කෝප් එක බලන්න යන්න...

ගලිවර්ගේ කැම්පස් චාරිකාව...



හ්ම්ම්...බලන් ඉදල බලන් ඉදල ගලිවර් campas select වුනා කියල letter එක ආවම මාර සතුටු වුනාලු එදා...ගලිවර් කැම්පස් එකේ විස්තර හොයද්දි ආපු ආරංචි නම් එච්චර හොඳ වුනේ නෑලු... දෙපැත්තට බෙදිලා මරාගන්නවලු.. වැල ලද්දොයි අභියෝග ලද්දොයි..
මොනා වුනත් මුහුනු පොතේ පිහිටෙන් කවදාවත් දැකල නැති කවදාවත් කතා කරල නැති එකට ඉන්න වෙන අඟුටුමිට්ටො ටිකක් අඳුනගන්න ලැබුනලු.. කොහොමෙන් කොහොම හරි කට්ටිය කතාවුනේ ඔය බෙදිල ඉන්න එක පැත්තකටවත් නොගිහින් අපි එකට ඉමුයි කියලලු... ඒ දවස් වල ගොඩක් අය උනන්දු උනාලු ඒ ගැන නම්... සමහරු නම් ඉතින් ඉන්නව නෑ වගේ හිටියලු ඉතින්...