අපිද වැරදි ....???

ජනවාරි 1 වැනි දින ඔබට අසන්නට ලැබුනු කරුණ නම්, මොරටුව ඉන්ජිනේරු පීඨ සිසුන් හා NDT සිසුන්අතර අතිවූ ගැටුමක් නිසා මොරටුව සරසවිය වසා දැමීමට සිදුවු බවයි. එය සිසුන් දෙපිරිසක් අතර බහින් බස් වීමක් දුරදිග යාමෙන් සිදුවු දෙයක් බවද සමහරු සදහන් කලේය.

NDT සිසුන් කිහිප දෙනකුට පහරදීමකින් පමණක් සිත් සතන් සනසවා ගැනීමට පවා  පොහොසත් වූ ඔවුන්, NDT සිසුන් විසින් කලක සිටින් පවත්වාගෙන ආ අපගේ නිර්මාණ එලි දැක්වීමට තිබූ තෝතැන්න වන ප්‍රභාතය කඩා බිද දැමීය.තවද අප විසින් විශ්ව විද්‍යාලයේ අලංකරනයට නිර්මනය කර තිබූ නිර්මාන සියල්ලද විනාශ කර දැමීය.එයින් ද නොනැවතී NDT සිසුවෙකුගේ මෝටර් බයිසිකලයක් ද සම්පුර්ණයෙන් විනාශ කිරීමට ඔවුන් පසුබට විය.එවැනි දේ  NDT එකට එදත් අදත් ආදරය කරන අප හදවත් සසල කරවීමට සමත් වීය. එදා ගැටුමෙන් පසු ඔවුන් දියත් කල පෝස්ටර් ව්‍යාපාරය විශ්ව විද්‍යාලයේ අප සහෝදරයන් වන වාස්තු/IT ශිෂ්‍යයන්ගේද අප්‍රසාදයට පත්විය.පෝස්ටර් ඇදීමෙන් නොනැවතුණු ඔව්හු අද මෙන්ම එදා ද ඒවා මුණු පොතේ දමාගෙන ජය පැන් බිව්‍හ.අද  " NON VIOLENCE" කියනා පිරිස් එදා "ඕකුන් ගහලම මේකෙන් පන්නන්න ඕන" කියමින් සිනාසුනහ.

ඊයේ රාත්‍රියේ ඇතිවූ සිද්ධිය පදනම් කරගනිමින් මේ වන විට NDT ශිෂ්‍යයන් කුරිරු , අමාණුශික පිරිසක් බව හොවා දැක්වීමට ඉතා පහත් උත්සහයක නිරත වෙමින් සිටින පිරිසක් සිටින බව ඔබටත් අපටත් පැහැදිලිව පෙනෙන කරුනකි. ඔවුන් ඒ සදහා විවිද උපක්‍රම භාවිත කර ඇත.තනි අතකින් අත්පුඩි ගැසීම කල නොහැකි බව බුද්ධ්මත් ඔබත් අපත් දන්නා කරුණකි. කෙසේ වෙතත් අප මෙවන් දේ කිරීමට පෙලබුනේ නැත. එසේ කිරීමෙන් අපට ලබාගත හැකි පහත් වින්දනයක් ද නොමැත.අප මෙවන් තත්වයකට පත් කිරීමේ වගකීම සතු වන්නේද අද, කඩි ගුල අවුස්සාගෙන කනෝ කනෝ යැයි කෑ ගසන ඉංජිනේරු ශිෂ්‍ය්යන්ම ය.

තමන් සමග එකට සිටි සගයා දමා පලා යාමට තරම් මානසිකත්වයක් අප සිත් තුල නම් නොතිබුනේය. එසේ දුවද්දී ලිදවල් වල වැටුනු කිහිප දෙනෙකුද සිටී. "බේරගනියෝ" කියා කෑ ගසද්දී ඔවුන් ගොඩට නොගෙන සිටින්නටද අපට පුලුවන් කම තිබුනි. නමුත් අමාණුශික යයි කියන අපිටම ඔවුන්ව ගොඩට ගැනීමට සිදුවිය.තවත් සමහරුන් ගල් පහරවල් වැදී ලේ ගලමින් සිටින විට ඔවුන් විශ්වවිද්‍යාලයෙන් ඉවතට රැගෙන යාමට තරම් අප මානුෂික විය. lap top හා දුරකථන සොරා ගත්තා යැයි චෝදනා කරන නමුත්, ඔවුන්ගේ මෝටර් බයිසිකල් පවා නිරුපද්‍රිතව තිබෙනු උදැසන විශ්වවිද්‍යාලය තුලට පැමිණි ඕනෑම කෙනෙකුට දැකගත හැකි විය.

සමහරුන්ට දිව ගොස් සැගවීමට තිබුනු එකම ස්ථානය ගැහැණු ළමයින්ගේ නෙවාසිකාගරය විය.ආරක්ෂක ආවරණ හා දොරවල් කඩාගෙන එය තුලට රින්ගූ පිරිස එහි සිට ගල් ප්‍රහර එල්ල කිරීමට තරම් වීරයෝ විය. මෙවැනි වීරයන් සිටීම ගැන නම් අප හද තුල අතිවන්නේ කනස්සල්ලකි.

කෙසේ වෙතත් මොරටුව විශ්ව විද්‍යාලයේ ඉන්ජිනේරු පීඨයට අතුලත් වූ සිසුන් අනෙක් අය තමන්ට වඩා පහත් කර සිතීමත්,තමන් විරයන් යැයි ඔලුව උදුමවාගෙන සිටීමත්,දැන් වත් නතර කල යුතුය.නමුත් මාන්නයෙන් අන්ධ වූ ඔවුන් "ගැහුවත් වීරයෝ... ගුටිකෑවත් වීරයෝ..." ලෙස හැසිරීම පුදුමයට කරුනක් නොවේ.

මාධ්‍ය සංදර්ශන මගින් ගුටිකෑම මාකට් කිරීමේ අරමුණ නම් අපට තවමත් වටහා ගත නොහැක.නමුත් වෙනත් CAMPUS වලින් පිරිස් ගෙන ඒමට හෝ කුලියට ගත් මැරයන්  යෙදවීමට තරම් අද වන තුරු  NDT අපේ කොන්ද පණ නැති වී නැති බවද මාධ්‍ය සංදර්ශන කාරයන්ගේ දැන ගැනීම පිණිස ප්‍රකාශ කල යුතුම ය.

මේ සරසවිය අප හැමටම අයිති ය.එය බෙදා හදා ගෙන ඉගෙනීම සදහා භාවිත කිරීමට අපේ කිසිදු    අකමැත්තක් නැත.දියගමට යන්නට අපි මුළු හදින්ම කැමැත්තෙමු.නමුත් අපි මෙතනින් ගිය පලියට මොරටුවේ ගුටි කෙලි නොනවතින බව නම් අපට සහතිකය.වලියක් දැකලාවත් නැති ගානට බබා පාට් දාන ඉංජිනේරු සිසුන් ගැටි ගසාගෙන ගුටි ඇනගන්නා අයුරු අපි සියැසින්ම දැක ඇත්තෙමු.පසුගිය දිනෙක අවුරුදු උත්සවයක් ගුටි කෙළියකින් නිමා කලේද ඔය කියන ලෙවල් 4  අය්යලාම ය.

අවසානයේ කිව යුතු යමක් ඇත.ඒ නිව්ටන්ගේ 3 වන නියමයි...

"සෑම ක්‍රියාවකටම සමාන වුත් ප්‍රත්විරුද්ධ වුත් ප්‍රතික්‍රියාවක් ඇත"

එබැවින් :

පනින්න පෙර සිතා බලන්න !!!

NDT අපි